Doen dit so ...

Boererate vir Hoofpyn
Hier is 'n klompie Boererate vir daardie allemintige hoofpyn, uit "Oupa en Ouma se Boererate" Tafelberg Uitgewers.

- Drip 2 of 3 druppels skoon teer op die kop.
- Moenie iets wat styf is dra nie, vernaam skoene wat druk, dit hinder die bloedsomloop en veroorsaak beroerte.
- Vlugsout snuif, of snuif van boere tabak met rooi fita op gedrup is uitstekend.
Citrusdal

Neem 'n katvel wat net geslag is en plaas dit om die kop. Die vel trek glo al die kwaad uit.
Pretoria-Noord

Gooi 'n paar boegoeblare op 'n halwe bottel brandewyn. Laat 'n rukkie staan, suig deur en gooi die kop nat met brandewyn. Bind die kop dan toe met 'n doek en gaan lê 'n rukkie stil terwyl die kop toegepak is met kussings.
Carltonville

- Vat een aartappel, sny dun skyfies en sit voor op die kop. Sodra hulle swart word, sit ander op.
- Vat ou linnelap, smeer blouseep op twee lappies, sit alkante op slape van kop.
Brakpan

Wynruit stamp en met suurdeeg deurmekaar maak en onder die pasiënt se voete sit om die koors af te trek as hy swaar hoofpyn het en baie koorsig is. Baie maal ook om die polse slaan.
Vasco, Kaap

Neem een asperien pil, sit 'n koolblaar op jou kop en dan ga leg jy.
Villiersdorp

Vir die kopseer wat so klaag is, moet jy mosterd en asyn meng en dan tussen twee lappies smeer en dit op die voorkop van die persoon sit. Hy sal nie gou weer kopseer kry nie.
Potgietersrus

Drup vyf druppels terpentyn op die kroontjie en vryf terpentyn al langs die nek in.
Roodepoort

driegangmaal
deur Barbara Joubert

Voorgereg

Repies gerookte forrel, fyntjies oor 'n groen slaai gerangskik. Bedruip met 'n heel korrel mosterd en parmesan viniagrette. Bedien met vars heelgraanbroodjie.

Viniagrette:
1 deel volgraan Kaapse mostert
1/2 deel heuning
1 deel olyfolie
1 deel parmesan
Sout en peper na smaak met 'n bietjie knoffel, meng dan goed. Hoe langer dit staan hoe lekkerder.

Hoofgereg

200G Beesfilet (of steak), gemarineer in roosmaryn en olyfolie. Bedien met 'n romerige pepersous (met 'n rapsie brandewyn in ). Geroosterde Italiaanse groente met pietersielie en gebotterde jong aartappeltjies word daarmee bedien.

Bees filette in 200g porsies gesny (vra jou slagter). Marineer in olyfolie en vars roosmaryn mengsel (kneus die blare om al die geur uit te kry) met swartpeperkorrels en 'n goeie dash balsamicasyn. Laat staan vir 'n middag.

Op 'n baie warm pan bruin die filet aan albei kante, sit in 'n roosterpan en gooi 'n bietjie van die marinade oor. Rooster filette teen 200°C vir 10 minute om 'n med/rare filet te kry.

Groente
Murgpampoen, klein uitjies, pampoen en groen soetpeper. Sny al die groente sodat hulle dieselfde groote is, druip olyfolie oor met 'n goeie knippie sout, peper, origanum en suiker - sit in oond teen 180°C en rooster tot gaar. Stoom / kook die jong baba-aartappels tot gaar en meng met gekapte pietersielie, botter en 'n knippie sout.

Pepersousie
1 koppie room + 1 koppie melk, bring tot kookpunt verdik met mezina - sit bees stock/blokkies in vir smaak met 'n goeie dash brandewyn en groenpeperkorrels en 'n teelepel mosterd.

Nagereg

Vrugte kelkie van bloedrooi waatlemoen en lemmetjie groen spanspek skyfies, wat met 'n mangosorbet afgerond word.

Mangosorbet
Maak 2 dae voor die tyd.
2 mango's geskil en in blokkies gesny, sit in 'n blender en maak fyn
1/2 l mango vrugtesap
1/2 koppie sodawater
1 eier wit (klits met 'n mes dat hy lekker los is)
Los 25ml gelatine op in 100ml kookwater en meng alles goed saam. Plaas in 'n roomys bak en fries tot semi-hard, breek die ys op en klits dan met 'n klitser tot fluffy! Sit dadelik terug in die vrieskas laat goed vries voordat jy bedien, anders sal jou balletjies nie hul vorm hou nie. Onthou, sorbet hou nie sy vorm goed nie, wag dus tot op die laaste nippertjie en bedien met 'n vars mint blaartjie!

VIr meer van Barbara se geregte besoek "The Torridon" restaurant by die Himeville Arms Hotel in Himeville, Kwazulu Natal, telefoon 033 702 1305.